ميني طارت بدون فرن وبدون عجين حضريهم في رمشة عين
موقع بسمة يقدم ميني طارت بدون فرن و بدون عجين
تجدون في الموضوع :
- مقادير ميني طارت
- طريقة تحضير ميني طارط
- مكونات كريمة ميني طارت
مقادير ميني طارت
زلافة بيسكوي مطحون مايعادل 300غ
ياغورت بنكهة الشكولاطة +ملعقة كبيرة
رشة ملح
طريقة تحضير ميني طارت
في اناء نضع البيسكوي ونجمعه بالياغورت العجينة خاصها تكون قاصحة ناخد مولات حسب الرغبة أنا استعملت ديال كاب كيك نفرش ليه بلاستيك ونلبس ليه العجين ندخلها للمجمد حتى تجمد تقريبا 15دقيقة
كريمة ميني طارت :
نصف لتر حليب
3ملاعق سكر
3ملاعق مملوءة كريم باتيسيير
كيس فانيلا
طريقة تحضير كريمة ميني طارت
ناخد كاسرول نوضع فيها جميع المكونات نحركهم جيدا ونوضعهم فوق النار منوقفش التحراك حتى يعقاد نوضعو في إيناء نغطيه بالبلاستيك الغدائي ندخلو الثلاجة حتى يبرد ونخرجو نطربو مزيان باش ميبقاوش ليا فيه الحبيبات ونوضعو في الجيب الحلواني
طريقة تشكيل ميني طارت
نخرج لي طارت ديالي من بعد ما دازت 15دقيقة نعمرهم بالكريم باتيسيير ونزينهم حسب الرغبة أنا زينتهم بحبيبات الشكولا صغارين وبفنيد على شكل فرومبواز ونقدمها بالصحة والراحة
