ماربل كيك من أروع الكيكات

ماربل كيك من الذ الكيكات لي كتجي لذيذة مع اتاي فالعشية ????

مقادير ماربل كيك :

3 حبات بيض

كأس سكر 180 غرام

رشة ملح

كأس زيت 180 مل

كأس حليب نفس الكأس ديال سكر وزيت

كيس سكر فانيلا

خميرة الحلويات 15 غرام

4 كيسان دقيق نفس الكأس نعبرو به كل شي

طريقة تحضير ماربل كيك :

نخلط البيض مع سكر وفانيلا ورشة ملح مزيان ثم كنضيفو الزيت و الحليب والخميرة والدقيق

ونخلطو بطراب حتا يتجانس الكل

كنقسمو الخليط على زوج الأول نخليوه ابيض وتاني نضيفو ليه 3 ملاعق كاكاو مغربل نخلطوهم وكناخدو مول مدهون بالزبدة ونديرو طبقات من الخليط الأبيض والكاكاو وفالأخير نحركو بملعقة

كندخلوها للفرن على 175 درجة مدة 45 دقيقه وبالصحة وراحة