حلوة بريستيج محشية بحشو ذوق شوكولا كرنشي و بنين ساهلة لأم وليد

القاعدة: في اناء نضع المارغرين الطرية، السكر الرطب، الزيت، البيضة،فانليا و نخلطهم جيدا مع بعض ثم نضيف قليل من الفرينة و الخميرو الكيماوية و نخلطهم مع بعض.نضيف الفرينة تدريجيا و نلم حتى نتحصل على عجينة صابلي، نطبعها بطوابع دائرية و نضعها في سنية و ندخلها الى فرن مسخن من قبل على 180 درجة، فنتحصل على الشكل الموضح؛

الجزء العلوى: ناخذ مول سليكون يكون يحتوى على شكل دائري و قطر القاعدة الى عملناها يكون كبير قليل على قطر مول السليكون؛

ناخذ الشوكولاطة البيضاء و نقطعها الى قطع صغيرة و نضعها في حمام مائي على نار قليلة حتى تذوب ثم نضيف لها الكاكوكاو المحمص المطحون بقشوره و نخلط؛

ناخذ فرشاة و ندهن بها مول السليكون و ندخلها للثلاجة لمدة 5 دقائق، ثم نخرجها و ندهنه مرة ثانية بالشوكولاطة كطبقة ثانية و نرجعه للثلاجة لمدة 5 دقائق؛

الحشو: ناخذ علبة القوفريط نبشرها و نضيف لها الكاوكاو المحمص المطحون و نخلطهم مع بعض ثم نلمها باستخدام شوكولاطة الطلاء ، نتحصل على حشو يكون طري؛

نملاء مول السليكون بالحشو و نسوي السطح و نرجعه للثلاجة لمدة 15 دقيقة؛

ناخذ قاعدة و نضع لها قليل من الشوكولاطة و نلصق فوقها الجزء العلوي؛

نضع قليل من الشوكولاطة و نلصق حبة البندق و الورود ثم نزين بخطوط من الناكري السائل الذهبي و نضعها في حاويات التقديم؛